भेरी नदिमा जिप खस्दा १० को मृत्यु, २ जना गम्भीर घाइते

कात्तिक १९, २०७५| प्रकाशित १६:२

काठमाडौं-  डोल्पाको दुनैबाट सुनपानी जाँदै गरेको जिप ठूलो भेरीमा खस्दा १० जनाको घटनास्थलमै मृत्यु भएको छ। भे १ च १६ ५५ नम्बरको जिप ठूलो भेरीमा खस्दा १० जनाको मृत्यु भएको डोल्पाका डिएसपी अवदेश विष्टले जानकारी दिए।

मृत्यु हुनेमा पुरुष ६ जना, २ महिला र बालबालिका २ जना रहेको प्रहरीले जनाएको छ। २ जना गम्भीर घाइते छन्। डाक्टरको टोली नै घटनास्थलमा लगेर उपचार गराइरहेको प्रहरीले जनाएको छ। जिप दुर्घटनाको कारण भने खुल्न सकेको छैन। मृतक र घाइतेहरुको सनाखत हुन सकेको छैन।