४असोज २०७५
गजल
आज मेरा जम्मै प्रमाणपत्रहरुमा केरकार गर्नु छ
भोलि देश छोड्नु छ जहाजमा सवार गर्नु छ
मृगौला बेचौँला नपुगे अाँखा पनि बेचिदिउला
अामालाई बचाउनु छ अामाकाे उपचार गर्नु छ
संसार जित्नेहरूले पनि मृत्यु सँग हारेका छन्
मलाई पुग्नु नै कहाँ छ र मैले हतार गर्नु छ
मुटुको मुल्य ताेकेर बजारमा बिक्रीमा राखियाे भने
क-कस्ले नजर लगाउदा रैछन बिचार गर्नु छ
आफ्नो जिन्दगी एकजोर चप्पल नपाएरै बित्ने भो
श्रीमतीलाई राम्री बन्नु छ,उसलाई शृङ्गार गर्नु छ
देब सजन
भेरी नगरपालिका ५ जाजरकोट
No comments:
Post a Comment